passion

My Passion

Aktion

Chicklit

Fantasie

Neue Erwachsene

Paranormal städtisch

Romanze

Dampfig

Suspense-Thriller

YA/Jugendliche

Bibliothek
searchsearch
dede

DE

Ang Lihim sa Tore ng Sinagtala von Precious Pages

Discover
/
Romance
/
Ang Lihim sa Tore ng Sinagtala
Ang Lihim sa Tore ng Sinagtala

Ang Lihim sa Tore ng Sinagtala

Romanze

dot
eye

608

Beschreibung

When the faith apparently sowed misfortune, Jhustin caught them all. First, he was disgusted with the wild letter ‘H’ in his name. Second, his brother and classmates always teased him because of it. Third, he couldn't blame the parent who gave him the weird name because his father passed away a long time ago. What Jhustin didn't know, his strange name would bring him strange luck as well.

Süß
LGBTQ+
Romanze
R-18

Kapitel 1

Mar 3, 2022

NANG MAGHASIK YATA NG KAMALASAN SA MUNDO, sinalo lahat ni Jhustin. Lagi niyang kinaiinisan ang kanyang pangalan. Bukod kasi sa pangkaraniwan at maraming kapareho, hindi rin niya matanggap ang spelling nito. Ito ang una niyang kamalasan sa buhay.

“Bakit kasi may ‘H’? Wala naman dapat ‘H’ `yon!” sabi niya sa kanyang mama habang tinutulungan itong magtiklop ng damit. Hindi siya galit pero hindi niya maiwasang mapataas ang boses kapag napapag-usapan ang kanyang pangalan.

“Pasalamat ka nga’t me pangalan ka,” sagot ng kanyang ina. “`Yong iba ngang baby d’yan, binabalot na lang sa diyaryo’t iniiwan sa basurahan. Ni hindi makuhang bigyan ng pangalan ng nanay na nagsilang sa kanila. `Tapos ikaw magrereklamo ka dahil `di mo gusto `yang spelling ng pangalan mo?”

Sa takot na baka atakihin sa puso ang kanyang mama, tumatahimik na lang si Jhustin at kinikimkim ang pagkabuwisit. Mag-iisip siya ng mga pangalang sa tingin niya ay mas bagay sa kanya para hindi mapagbuntunan ng inis ang ina. Puwede namang Joseph o Jeffrey, o kahit Gerald. Bakit Jhustin pa?

May karapatan namang mayamot si Jhustin sa kanyang pangalan. Ilang beses na rin kasi siyang napaaway sa eskuwelahan dahil dito. Ang unang pagkakataong ipinahamak siya ng kanyang pangalan ay noong Grade 6. Recess noon at tahimik siyang kumakain ng baong hot dog sandwich sa isang sulok ng kanilang classroom nang lapitan siya nina Raymart at Richmond, ang kambal na bully sa batch nila.

“Ano’ng baon mo ngayon, Ja-haaas-tin?” bungad ni Raymart.

“Pahingi naman niyan, Ja-haaas-tin,” segunda ni Richmond.

Hindi kumibo si Jhustin. Tumigil siya sa pagkain at tumingin sa tanawin sa labas ng bintana. Alam niyang mapang-asar talaga ang dalawang kaklase kaya pinipigilan niyang patulan ang mga ito.

“Hot dog pala `yang kinakain mo, Ja-haaas-tin.” Si Raymart.

“Ba’t ang liit ng hot dog mo, Ja-haaas-tin?” Si Richmond. “Baka puro hangin lang `yan. Parang `yong pangalan mo, Ja-haaas-tin.”

Lumapit ang kambal at tinangkang hablutin ang hot dog sandwich ni Jhustin. Pero bago pa sumayad ang kanilang mga kamay sa kanya, bigla niyang hinati sa gitna ang hawak na tinapay at ipinansampal iyon sa mukha ng dalawang bully. Nauwi sa suntukan ang simpleng asaran. Nasuspende silang lahat ng isang araw pagkatapos magkita-kita sa opisina ng Prefect of Discipline kasama ng kani-kanilang mga magulang.

May dala ring alat ang kakaibang spelling ng pangalan ni Jhustin. Christmas party nila noong Grade 7, may pa-raffle sa klase at ang grand prize ay isang coupon ng libreng laro buong araw sa Fineski, ang pinakasikat na computer shop sa kanilang bayan.

“And the winner of our grand prize is...” binitin pa nang kaunti ni Ms. Galvez, “Jhustin Almario!”

Nagpalakpakan ang lahat ng mga babae sa classroom. Ang sama naman ng tingin ng mga kaklase niyang lalaki sa kanya. Kung makakapanakit lang ang mga nagdidilim nilang paningin, baka tadtad ng pasang uuwi si Jhustin galing ng eskuwelahan.

Nang tanghaling iyon, pagkatapos ng mga palaro at kainan, tumakbo agad si Jhustin papuntang Fineski. Tatlong kanto ang layo nito sa kanilang paaralan kaya hulas na hulas siya nang dumating sa computer shop. Agad niyang iniabot ang napanalunang coupon sa matabang lalaking nakatao roon.

“Pengeng ID,” sabi ng lalaki.

Hinubad ni Jhustin ang ID na nakasabit sa kanyang leeg. Tiningnan ng bantay ang pangalan sa ID niya at ikinumpara sa nakalagay sa coupon na isinulat ng kanilang adviser bago iyon iabot sa kanya kanina. Napailing ang matabang lalaki.

“Mali `yong nakapangalan sa coupon,” sabi nito. “Ikaw ba talaga `to?”

“Ako `yan, Jhustin Almario,” sagot niya.

“Eh, Justin Almario ang nakasulat sa coupon. `Yong nasa ID mo, Jhustin Rex Almario. Hindi `to puwede. Dapat pareho ang pangalan.”

“Nagpapatawa ka ba?” Napataas ang boses ni Jhustin nang hindi sinasadya. Kahit ang mga naglalarong naka-headset na malapit sa kanilang dalawa ay saglit na napatingin sa direksiyon niya. “Nagkulang lang ng ‘H.’ `Di lang nalagay ng teacher ko, nagmamadali kasi kanina.”

“Pasensiya na, boy. Utos ng boss ko, dapat pareho ng nakasulat sa coupon `yong nasa ID. `Pag hindi, invalid s’ya. Dami kasing namemeke ng coupon at ID dito para makalibre ng laro.”

“Potek `yan. Sana `di na lang kayo nagpa-coupon.” Padabog na lumabas ng Fineski si Jhustin bago pa siya makapagsalita o makagawa ng hindi maganda sa loob. Mas madilim pa ang kanyang mukha ngayon kumpara sa tingin ng mga kaklase niyang lalaki kanina nang mapanalunan niya ang grand prize sa raffle.

Habang naglalakad pauwi, ibinulong niya ang mantra sa sarili. “Buwisit na H `yan! Buwisit na H `yan! Buwisit na H `yan!”

Ang Lihim sa Tore ng Sinagtala

Ang Lihim sa Tore ng Sinagtala

85 Kapitel

close

book

85

Inhalt

add to library button

Speichern

Passion Exclusives

Fight For Me, Alpha

Evelyn Parker wird morgen einundzwanzig, und sie ist immer noch die einzige wolfslose Wolfin in ihrem Rudel. Vor drei Jahren sturmten Streuner das Jubilaumsgala von Sterling & Parker - in der Nacht ihrer ersten Verwandlung. Ihre Eltern verliessen niemals den Ballsaal. Ihr Wolf erschien nie. Jetzt schlichtet sie zweimal pro Woche Rudelstreitigkeiten im juristischen Flugel des Unternehmens ihres Vaters. Die Halfte des Rudels spricht in diesem vorsichtigen Ton mit ihr. Ihr weisses Kleid hangt immer noch im Kleidersack der Reinigung. Sie kann es nicht tragen, und sie kann es nicht wegwerfen. Dominic Sterling ist der Alpha. Er ist der Milliardar an der Spitze des Vorstandszimmers und der beste Freund ihres Bruders. Sie liebt ihn still, solange sie denken kann. Er hat sie nie ein zweites Mal angesehen. Das Unternehmen ist seit drei Jahren ohne Luna, und die Investoren wollen bis zum Fruhling eine, die makellos und bereit ist. Was passiert also, wenn ihr Wolf endlich kommt und die Gottin und der Alpha sich nicht einig sind, wer ihn verdient?

Lesen

Fantasie

Fight For Me, Alpha

passion favicon

My Passion

Genres

Über Uns

Kontaktieren Sie uns

Datenschutzrichtlinie

Nutzungsbedingungen

Cookie-Richtlinie

App Installieren

get app on google play img
get app on app store img

Copyright © 2026 Passion

XOLY LIMITED, 400 S. 4th Street, Suite 500, Las Vegas, NV 89101

support@passionapp.co+1 501 651 0095